Java mein Data Types kya hote hain?
Java mein data types batate hain ki variable mein kis tarah ka data store hoga, number, character, decimal ya object. Har variable declare karte waqt humein uska data type batana hota hai.
Types of Data Types in Java
Java mein 2 main types ke data types hote hain:
- Primitive Data Types
- Non-Primitive (Reference) Data Types
1. Primitive Data Types
Primitive types Java ke built-in types hote hain jo directly value ko store karte hain. Java mein total 8 primitive data types hote hain:
byte– chhoti integer value ke liyeshort– thodi badi integer valueint– commonly used integer typelong– bade number ke liyefloat– decimal value (less precision)double– decimal value (zyada precision)char– single character (jaise 'A', '1' etc.)boolean– true ya false
Example:
int age = 21;
float marks = 89.5f;
boolean isStudent = true;
char grade = 'A';
Yeh sab fixed-size hote hain aur bahut fast execute hote hain, isliye Java inhe primitive bolta hai.
2. Non-Primitive Data Types
Non-primitive ya reference data types aise hote hain jo kisi object ka reference hold karte hain. Inmein built-in bhi aate hain aur custom (user-defined) types bhi.
Kuch common examples:
- String – Text ya words store karne ke liye
- Arrays – Multiple values store karne ke liye
- Class – Apni custom type banane ke liye
- Interface – Blueprint jaisa hota hai
- Object – Java ka base class type
Example:
String name = "Virat Kohli";
int[] centuries = {2009, 2010, 2011, 2012, 2013, 2014, 2015, 2016, 2017, 2018, 2019, 2023, 2024};
Non-primitive types ke saath aap methods bhi use kar sakte ho, jaise name.length() etc. Inmein null value bhi ho sakti hai (jab object ka koi value assigned nahi hota).
Primitive vs Non-Primitive – Simple Comparison
Primitive types directly value store karte hain, non-primitive reference store karte hain.
Primitive types fixed size ke hote hain, non-primitive ka size fix nahi hota.
Primitive types fast hote hain, non-primitive zyada flexible hote hain.
Conclusion
Java seekhne ke basic steps mein se ek hai data types ka concept. Agar aapko yeh samajh aa gaya ki kis situation mein kaunsa type use karna hai, toh aapka coding journey kaafi smooth ho jaayega. Primitive simple aur fast hote hain, non-primitive powerful aur flexible. Dono ki apni jagah important hai.
Comments