Functions in JavaScript

Programming mein Function ek fundamental aur important concept hota hai. Function ka use kisi specific task ko perform karne ke liye hota hai. Isse code modular, clean, aur reusable ho jata hai.

4. 1 What is Function?

JavaScript mein, function ek block of reusable code hota hai jo hum tab execute karte hain jab hume uski zarurat hoti hai. Ek function, logic ko ek jagah store karta hai, aur hum use multiple times call karke use kar sakte hain, bina code ko baar-baar likhe.

4.2 Why Functions are Important ?

1. Functions se ham code ko small parts mein divide kar sakte hai jisse code ko manage karna easy hota hai.
2. Functions se ham code ko reuse kar sakte hai ye DRY (Don't Repeat Yourself) principles pe focus karta hai.
3. Code ko debug karna bahut hi easy ho jata hai, kioki ham har function ke output ko analyze kar sakte hai aur ye pata laga sakte hai ki bug kis function mein hai.
4. Ye team collaborations ko promote karta hai, aur har team ko parallelly code karne ke liye allow karta hai.
5. Ek Function ek specific input leta hai aur expected output deta hai, global code affect nhi hota hai aur ye functions "pure" functions hote hai.