Introduction to C++

What is C++?

C++ ek powerful programming language hai jo computers ko instructions dene ke liye use hoti hai. Is language ka use software banane, games develop karne, aur even operating systems create karne mein hota hai.

Simple shabdon mein, agar aapko computer se kuch kaam karwana hai (jaise calculator banana ya game design karna), toh C++ aapki help karti hai.

History and Evolution of C++

C++ ko 1980s mein Bjarne Stroustrup ne banaya tha. Yeh language C language par based hai, lekin isme kuch extra features add kiye gaye hain, jaise object-oriented programming (OOP).

Timeline Overview

• 1970s: C language aayi
• 1980s: C++ ka janm hua (C ka "plus plus" version)
• 1998, 2003, 2011, 2014, 2017, 2020 & 2023: C++ mein naye updates aaye

Har naye version mein C++ aur zyada powerful aur modern hoti gayi.

Why Learn C++ in 2025?

Aaj ke time mein Python, Java jaise modern languages popular hain, phir bhi C++ ka charm kam nahi hua. Yeh language aaj bhi tech giants aur competitive programming mein heavily use hoti hai.

2025 mein C++ seekhne ke kuch solid reasons:

1. Foundational Language: C++, programming ka strong base banati hai. Agar ek baar C++ ache se learn kar lete hai, toh aap kisi bhi aur language ko easily seekh sakte ho.
2. Speed & Performance: C++ kaafi fast hoti hai. Games aur system-level software mein jahan performance important hai, waha C++ best hai.
3. Competitive Programming ke liye Best: Codeforces, LeetCode jaise platforms par top coders mostly C++ use karte hain.
4. Game Development: Unreal Engine jaisi game engines C++ mein bani hoti hain.
5. Career Opportunities: Software companies C++ developers hire karti hain system programming, embedded systems, aur hardware-related work ke liye.

Conclusion:

Agar aap serious programmer banna chahte ho aur apna logic strong karna chahte ho, toh C++ ek perfect choice hai. Ye aapko programming ki deep understanding deta hai.